අයර්න් කරමුද?

විකසිත පෙම්

විකසිත පෙම් පොකුරු පියුම්

ඔබේ පයට පොඩි වී ගියාදෙන්

පතිකුලයට අද මට පිටුපා යන

මගේ සොඳුරු ලඳුනේ

හිතේ කඳුලු බිඳු රෑ තනි යහනේ

ඉහ ඉද්දර හිඳ ඉකි බිඳිනා සඳ

ආදර සැමරුම් ප්‍රේම පුරාණේ

ඔබට විරහ ගිනි නොගෙනේවා

තනිකම රජයන පාලු විමානේ

ගොම්මන් කලුවර හඬා වැටෙද්දී

ඔබ දිවි අරණේ රුවන් විජිතයේ

මැණික් පහන් වැට දැල්වේවා

ගායනය - ඩබ්. ඩී. අමරදේව 

මගේ අම්මට තිබුනේ එක ඇහැයි

මගේ අම්මට තිබුනේ එක ඇහැයි.මම ඇයට වෛර කලා,ඇය මට ලොකු හිසරදයක් වුනා. ඇය ජීවිකාව හැටියට කලේ මම ඉගෙන ගත්ත පාසලේ ආපනශාලාවට ආහාර සැපයීම,එය තමා තාත්තත් නැති අපේ පවුලට තිබුනු එකම ආදායම් මාර්ගය.

මම ප්‍රාථමික පන්ති වල ඉගෙන ගන්න කාලේ දවසක අම්මා මාව බලන්න මගේ පන්තියට ආවා.ඇය කොහොමද මට මෙහෙම අවමන් කරන්නේ?මට දැනුනේ ලොකු අපහසුවක්,මම ඇයව මගහැරියා. මම ඇයට රවලා ඉක්මනින් ඈතට දුවගෙන ගියා. එදා ඉදලා පන්තියේ යාලුවෝ මට අ...ම්මා ගැන කියලා විහිළු කරන්න පටන් ගත්තා,

"ඊඊයා....ඔයාලගේ අම්මට තියෙන්නේ එක ඇහැයි"

එදා ගෙදර ගියපු මම අම්මට බැන්නා

"පන්තියේ යාළුවන්ට මාව විහිළුවක් කරන්නද ඔයාට ඕනි? ඇයි ඔයා මැරිලාවත් යන්නේ නැත්තේ?"

අම්මා මට මොකුත් කිව්වේ නෑ. මම ඇයට එච්චර තදින් බැනවැදුනු එක ගැන මට කිසිම දුකක් දැනුනේ නෑ,මට ඒ තරමටම ඇයත් එක්ක තරහක් තිබුනා.

මට අවශ්‍ය වෙලා තිබුනේ කොහොම හරි ඇගෙන් වෙන් වෙලා මේ ගෙදරින් පිට වෙන්න.එහෙම කරන්න නම් මම හොදින් ඉගෙන ගන්න ඕනි බව තේරුන නිසා මම ගොඩක් මහන්සි වෙලා අධ්‍යාපන කටයුතු වල නිරත වුනා.

මගේ උත්සාහය සාර්ථක වුනා,මම මුහුන දුන්න හැම විභාගයකින්ම උසස් ලෙස සමත් වුනා,මට විදේශ විශ්ව විද්‍යාලයකින් උසස් අධ්‍යාපනය සදහා ශිෂ්‍යත්වයක් ලැබුනා. මම ගොඩක් සතුටින් මගේ අම්මගෙනුයි අපේ ගෙදරිනුයි වෙන් වෙලා විදේශ ගත වුනා.වසර ගණනකට පස්සේ නැවත පැමිනි මට රටේ නම ගිය ආයතනයක උසස් රැකියාවක් හිමි වුනා. මම මගේම කියලා නිවසක් තැනුවා. උසස් පවුලකින් විවාහයකුත් කර ගත්තා. අහන හැම දෙනාටම මම කිව්වේ මගේ අම්මයි තාත්තයි දෙන්නම මිය ගිහින් කියලා,මගේ බිරිද පවා දැනගෙන හිටියේ නෑ මගේ අම්මා ගැන...මම කවදාවත් අම්මව බලන්න ගියේ නෑ.

කාලයක් ගත වුනා,මේ වෙන කොට මම සුරතල් දරුවෝ දෙන්නෙකුගේ තාත්තා කෙනෙක්.
නිවාඩු දවසක අපි හමෝම ගෙදර ඉන්න වෙලාවේ ගෙදර සීනුව නාද වෙනවා ඇහිලා දොර ඇරලා බලනකොට හිටියේ මගේ අම්මා,ඇය පෙරටත් වඩා විරූපි වෙලා,ගොඩක් වැහැරිලා. ඇගේ විසුලු ස්වරූපය දුටු මගේ දරුවෝ දෙන්නා මහ හඩින් සිනා සෙන්න ගත්තා,ආරාධනාවක් නැතුවම මගේ නිවසට පැමිනීම ගැන මට ඇයත් එක්ක දැනුනේ ලොකු තරහක්,මම ඇයට හයියෙන් බැන වැදුනා.

"මොකද මගේ ගෙදරට ඇවිත් මගේ ළමයින්ව බය කරන්නේ? යනවා යන්න එලියට""

"අනේ මට සමා වෙන්න,මට ලිපිනය වරදින්න ඇති" කියලා හෙමීට කිව්ව අම්මා ඉක්මනින් යන්න ගියා.

කාලය ගෙවිලා ගියා. දවසක් මට ලිපියක් ලැබුනා,මම ඉගෙන ගත්ත පාසලේ පැවැත්වෙන සුහද හමුවක් ගැනයි ඒ ලිපියේ සදහන් වුනේ. පරණ යාළුවෝ මුනගැහෙන්න හොද අවස්ථාවක් නිසා එයට සහභාගී වෙන්න මම තීරණය කලත් ඒ ගැන බිරිදට ඇත්ත කිව්වේ නෑ. රාජකාරී කටයුත්තකට සහභාගී වෙන බව ඇයට කියලා නියමිත දිනයේදී මම ගමන පිටත් වුනා.

සුහද හමුව ගොඩක් විනෝදජනක එකක් වුනා,මගේ පරණ යාලුවෝ ගොඩ දෙනෙක්ව දකින්න ලැබුනේ වසර ගණනකට පස්සේ.සුහද හමුව අවසන් වෙලා ආයෙත් එන්න පිටත් වෙන්න කලින් අම්මා ජීවත් වෙන ගෙදරට ගියේ කුතුහලය නිසා.ඒත් ඒ ගෙදර වසා දමලයි තිබුනේ,මාව දැකපු අසල්වාසියෙක් මට කිව්වේ මගේ අම්මා සති ගණනකට කලින් මිය ගියා කියලයි.අම්මා වෙනුවෙන් මගේ ඇස් දෙකෙන් එකම කදුලු බිදුවක්වත් ඇද හැලුනේ නෑ.මට දුකක් දැනුනෙත් නෑ.

මම පරණ නිවසට සමුදීලා එන්න පිටත් වෙනකොට ඔවුන් මට ලිපියක් බාර දුන්නා,කවදාහරි මම ආවොත් දෙන්න කියලා අම්මා ඒ ලිපිය ඔවුන්ට දීලා තියෙන්නේ ඇය මිය යන්න දින ගණනකට කලින්.

මගේ ආදරණීය පුතා වෙත,
මට පුතාව හැම මොහොතෙම මතක් වුනා,මට පුතාව බලන්න ලොකු ආසාවක් තිබුනු නිසයි පුතාව බලන්න පුතාගේ අළුත් ගෙදරට ආවේ,මට සමාවෙන්න....පොඩි කාලේ ඉදලම මම පුතාට කරදරයක් වුන එක ගැනත් මට සමා වෙන්න..

පුතා දන්නවද,පුතා ගොඩක් පොඩි කාලේ සිද්ධවුන අනතුරක් නිසා පුතා ගොඩක් තුවාල වුනා,පුතාගේ එක ඇහැක් අයින් කරන්න වුනා. අම්මා කෙනෙක් හැටියට මගේ පුතා එක ඇහැක් එක්ක ලොකු වෙනවා දකින්න මම කැමති වුනේ නෑ,ඒ නිසා මම මගේ එක ඇහැක් පුතාට දුන්නා.

මට මගේ පුතා ගැන ගොඩක් ආඩම්බරයි. මට කවදාවත් දකින්න නොලැබෙන ලෝකයක් මම වෙනුවෙන් මගේ ඇහෙන් බලපු පුතා ගැන මට තියෙන්නේ කියා ගන්න බැරි තරම් සතුටක්.මම පුතාට ගොඩක් ආදරෙයි.

මීට පුතාගේ අම්මා

උපුටා ගැනීම : ලොවෙත් නෑ

උපහාරයක් වේවා!

 මව්බිම වෙනුවෙන් සහය පල කල බංග්ලාදේශය, චීනය, කොංගෝව, කියුබාව, ඉක්වදෝරය, ඉන්දුනීසියාව, ක්වෙයිට්, මාලදිවයින, මොරිටේනියා, පිලිපීනය, කටාර්, රුසියාව, සෞදි අරාබියාව, තායිලන්තය, උගන්ඩාව යන රටවල් වලට අපේ උපහාරය

සියදිවි නසා ගන්නේ ඇයි ?

සියදිවි නසා ගන්නේ ඇයි?  

1. ආර්ථික පරිහානිය හා සමුර්ධියකදී

2. ප්රේම සබදතා බිද වැටීමකදී

3. මානසික රෝගී තත්වයන් තුලදී

4. වයස්ගථ භාවයකදි

5. තවත් අය වෙනුවෙන්

(ත්රස්තවාදීන්ගේ සියදිවි නසා ගැනීම් )

6. සමාජීය හුදකලභාවයකදී

7. ක්ෂණික කොපයකදී

ප්‍රේරේම සම්බන්දත බිද වැටීම පාසල් වියේ පටන් මැදි වයස් මට්ටම වන තෙක් ඇති වන තත්වය දර ගත නොහැකිව , සියදිවි නසා ගැනීම සිදු වේ . මෙම කරුණ සමාජයට වඩාත් අහිතකර ලෙස බලප ඇති බව , වර්තමාන කරුණු අද්යනයේදී පෙනී යන්නේ තමා විසින් සියදිවි හානි කර ගැනීමට පෙර , තව කීප දෙනෙකුගේම ජිවිත හානි කර අපරාධ රාශියකට මුල පුරමින් , සිදු කරන ලද ක්රියාවන්ය . මෙම තත්වය අද වන විට සමාජයට අහිතකර ලෙස බලපාන බව පෙනී යයි .

මානසික රෝගී තත්වයන්හිදීද පුද්ගලයින් සියදිවි නසා ගැනීමට පෙළඹේ . මෙහිදී එම පුද්ගලයා එම ක්රියාවේ වගකීම නොදරන අතර මියයන තෙක් අරමුණක් හෝ වෙනත් ක්රියාවක් මෙම සන්සිද්දියට අදාල නොකරමින් , සියදිවි හානි කර ගනී . මෙවැනි පුද්ගලයින් හදුනා ගෙන ඔවුන් බලා ගැනීම සමාජීය වගකීමයි .

වයස්ගත භාවයද හේතු කොට ගෙනද පුද්ගලයින් සියදිවි නසා ගැනීමට පෙළඹේ . මෙහිදී පුද්ගලයා සමාජීය හුදකලභාවයට පත් වන අතර එය හේතු කොට ගෙන ඇති වන කලකිරීම තුලින්ද , ඔවුන්ට වැළදෙන අසනීප සුව නොවීමේ වේදනාව දරා ගත නොහැකිවද වයස්ගත වුවන් සියදිවි නසා ගැනීමට හේතු වී ඇත . මෙම පුද්ගලයින් බලා ගැනීමද සමාජීය වගකීම වේ .

මෙයට අමතරව ක්ෂණික කෝපයද මෙයට හේතු කාරක වේ . පුද්ගලයින් තුල හට ගන්න මානසික අර්බුදයන් විසදා ගැනීමට යාමේදී පාර්ශවයන් දෙකකදී ඇති වූ ගැටුම් හේතුවෙන් පාලනය කර ගත නොහැකි ආවේගයන් මත යම් අපරාධයක් සිදු කරමින් , සියදිවි නසා ගැනීම මේ තුලින් සිදු වේ 

මේ මොහොත වන විටත් කොතනකදී හෝ සියදිවි නසා ගැනීමක් සිදුව ඇත.

මී උණ

රෝග කාරකය

ලෙප්ටොස්පයිරා නැමැති බැක්ටීරියාව මගින් මී උණ සෑදේ. මෙම බැක්ටීරියාව මීයන්, ඌරු මීයන්, 
මී හරකුන්, ගවයින්, බල්ලන් වැනි සතුන්ගේ වකුගඩු තුළ සොයා ගත හැක. වකුගඩු අක්‍රීය වීම, හෘදය අක්‍රීය වීම, මොළයේ පටක ආසාදනය විම, රුධිර වහනය, කලාතුරකින් අක්මාව අක්‍රීය වීම.

මී උණ රෝගය වැළදුණු රේගීන්ගෙන් 5 - 30% ක් පමණ මිය යයි.

රෝග ලක්ෂණ

• උණ
• හිසරදය
• අප්‍රාණිනික බව
• මස් පිඬු වල තද බල වේදනාව
• වමනය
• කැස්ස
• ඇස් තද රතු පැහැවීම
• ඇස් කහ වීමමූත්‍රා යාම අඩුවීම හෝ තද කහ පැහැති මූත්‍රා හෝ මූත්‍රා සමග ලේ පිටවීම සමහර රෝගීන් කලාතුරකින් රෝග ලක්ෂණ නොපෙන්වයි.

ප්‍රතිකාර

රෝග ලක්ෂණ මතු වු විට වෛද්‍ය ප්රඅතිකාර පැතිය යුතුය.  විශේෂයෙන් කුඹුරු හෝ වෙල් වල ගැවසීමක් සිදු වුවහොත් එය මී උණ යැයි සැක කර ප්‍රතිජීවක ඖෂධ ලබාදීම රෝහල් තුළදී සිදුකෙරේ.
වැඩිපුර දියර වර්ග පානය කිරීම හා විවේක ගැනීම අත්‍යවශ්‍යය. වකුගඩු අක්‍රීය වු විට යන්ත්‍ර මගින් රුධිරය පෙරීමක් සිදු කළ යුතුයි.

වළක්වා ගැනීම.

• කුඹුරු අවට ඇති පරිසරය පිරිසිදුව තබාගන්න.
• වගාබිම් සැකසීමේදී අත් හා පා ආවරන පළදින්න.
• ජලය රුදුණු ස්ථාන වල ජලය බැස යාමට සලස්වන්න.
• කුඹුරු වලට හා ජලය රැදුණු තැන්වලට අනවශ්‍ය ලෙස බැසීමෙන්, නෑමෙන්, අත් පා සේදීමෙන් වළකින්න.
• ප්‍රදේශයේ සෞඛ්‍ය වෛද්‍ය නිලධාරීතුමා හෝ මහජන සෞඛ්‍ය පරික්ෂක හමු වී වැඩිදුර උපදෙස් ලබාගන්න.
• උණු කර නිවා ගත් ජලය පානය කරන්න.  වෙල් හෝ දියකඩිති වල ඇති බැස නොයන ජලය බීමෙන් වලකින්න.
• ගංවතුර ඇති තැන් වල ඇවිදීමෙන් වළකින්න.

පීනස

පීනස විවිධාකාරය , ඒ අතර දිය පීනස , හොටු පීනස, ගඳ පීනස, ලේ පීනස, අරමන පීනස හඳුන්වා දිය හැකිය. පීනස පටන්ගන්නේ සෙම්ප‍්‍රතිශ්‍යාවෙනි. සෙම්ප‍්‍රතිශ්‍යාව වැළඳීමෙන් මුල් අවස්ථාවේදීම නෑම, සිසිල් බීම පානය කිරීම නිසා බොහෝ විට පිනස ඇතිවිය හැක.මීට අමතරව රබර් මිශ‍්‍ර ගුදිරිවල නිදා ගැනීම නිසා ද පීනස ඇති විය හැක. රබර් මිශ‍්‍ර ගුදිරියෙන් කලක් යද්දී සිහින් දූවිලි කුඩු බිමට වැටේ. විදුලි පංකාවකින් හෝ සුළඟින් ඇවිස්සී හුස්ම ගන්නා විට දූවිලි නාසයෙන් ශරීරයට ඇතුළු වේ. මේ තත්ත්වය දිගින් දිගටම පැවතුණහොත් නාසයෙන් සොටු දියර ගැලීම උදෑසන කැස්ස හා හිසරදය යන මේවා ඇතිවේ.

නාසයෙන් පිටවන්නා වූ අවර්ණ වූ දියරය දිය පීනස ලෙස හඳුන්වා දිය හැකිය. නාසයෙන් දූවිලි කොටස් ඇතුළු වීම හේතු කොට ගෙන දිය පීනස ඇතිවේ. පීනස වැළදීමෙන් නාසය හිරවීම නිසා මුඛයෙන් හුස්ම ගැනීමට සිදුවේ. මේ තත්ත්වය නොසලකා සිටීමෙන් නාසය ඇතුළේ පවතින සිවි කොටස් හා සම්බන්ධ සියුම් ලේ නල පිපිරේ. එවිට නාසයෙන් ලේ ගලන්නට පටන් ගනී. මේ ලේ පීනසයි.නාසය ඇතුළේ සිවි කොටස් ඉදිමී නාසයේ සිවිය මහත් වීමෙන් මස් දලු හට ගනී. මේ මස් දලු නාසයේ පෙනෙන්නට හෝ නොපෙනෙන්නට තිබිය හැක. මේ මස් දලු ආශි‍්‍රතව දරුණු ලෙස පීඩා සිදුවුවහොත් නාසයෙන් ලේ ගැලීම, කැස්ස යන යන මේවා හට ගනී. අරමණ පීනස නමින් හඳුන්වා දෙන්නේ මෙයයි. කසේ වුවද පීනසයේ මේ සෑම අවස්ථාවකටම බලපානු ලබන්නේ සෙම්ප‍්‍රතිශ්‍යාවයි. සෙම්ප‍්‍රතිශ්‍යාවට නිවැරදි ප‍්‍රතිකාර කිරීමෙන් පීනස ඇතිවීම මග හරවා ගත හැකි එසේ නොවුණහොත් පීනස උත්සන්න වී ඇඳුම ඇතිවිය හැක.

පීනස පාලනය කිරීම සඳහා ශරීරයේ ප්‍රතිශක්තිකරණ පද්ධතිය හොඳින් තිබීම වැදගත්ය. ඒ සඳහා පෝෂ්‍යදායී ආහාර වේලක් ගැනීම සහ දිනපතා ව්‍යායාම කිරීම අත්‍යවශ්‍ය වේ. තමන් සැමදා උදෑසන ව්‍යායාම කරන කාලයේ තමන්ට පීනස නොතිබුණු බවත්, ව්‍යායාම කිරීම අත්හිටවූ විට පීනස මතුවූ බවත් බොහෝ දෙනෙකු පවසන කරුණකි. එයින් හැඟෙන්නේ පීනස මතුවීම පාලනය කිරීම සඳහා ශාරීරික ව්‍යායාම ඉතා අවශ්‍ය බවය.

පීනස රෝගයේ අතුරු ආබාධයකි කෝඨරක ප්‍රදාහය (Sinusitis). සෑම පුද්ගලයකුගේම හිස් කබලේ දෙපැත්තේ කෝඨරක පිහිටිය ද සෑම අයකුගේම ඒවා ආසාදනය නොවේ. පීනස ඇති රෝගීන්ගේ කෝඨරක ආසාදන වීමේ ඉඩකඩ වැඩිය. කෝඨරක යනු වායුව පිරි කුහරයන්ය. ඒවා තුළ සෙම එකතු වී පසුව ඒවා බැක්ටීරියා මඟින් ආසාදනය වී එම සෙම පැසවයි.

පසුව එම සෙම නාසයෙන් ගලා එයි. සෙම්ප්‍රතිශ්‍යාව නැතිව නාසයෙන් පැසවූ කහපාට සෙම ගලා ඒමය, කෝඨරක ප්‍රදාහයේ ස්වභාවය. කෝඨරක ප්‍රදාහය මුල් අවස්ථාවේ හඳුනා ගත් විට ඒ සඳහා සරල ප්‍රතිකාර තිබේ. එහිදී ප්‍රතිජීවක ඖෂධ ලබා දේ. ඖෂධ වලට අමතරව නාසය නිසා අවට ප්‍රදේශයට හුමාලය ඇල්ලීම ඉතා සුදුසුය. කෝඨරක ප්‍රදාහයට නිසි ප්‍රතිකාර නොලැබුණහොත් ආසාදනය ඇසට පැතිරීමට ඉඩ තිබේ. එමෙන්ම කපාල කුහරයට ආසාදනය පැතිර යාමෙන් මෙනින්ජි ප්‍රදාහය මොළයේ ගෙඩි ආදිය ද ඇතිවීමේ අවදානමක් ද ඇති විය හැකිය.