මිනිසුන්ට දැත දෙපා ශක්‌තිමත් නැති නම් ජීවිතයට මුහුණ දීමේදී බරපතළ ගැටලු ප්‍රමාණයකට මුහුණ දීමට සිදුවෙයි. මෙය එක්‌ ජීවිතයක කතාවක්‌ නොව එකම පවුලේ හතර දෙනකුට වූ අතිශය ෙ€දනීය ඉරණමකි.මාලිම්බඩ මීගස්‌පේ සෝමා ලියනපතිරණ ආබාධිත නිවාසයට පියනඟන හැම දෙනකුගේම හිත්වල දැල්වෙන්නේ මහත් පහන් සංවේගයකි. ජීවිතය එක්‌තරා ඇඳකට පමණක්‌ සීමාවී අනේකවිධ දුක්‌ පීඩා විඳිමින් දිවි ගෙවනා කාන්ති, ඉන්ද්‍රdනි, ධම්මිකා සහ රෝද පුටුවේ සිටින ශ්‍රියාලතාලාගේ ජීවිතය පුරා ගලා යන්නේ සියලු සත්වයන් තුළ ලෝක සත්‍යවාදී ධර්මය වන්නේය.
සද්ධර්ම රත්නාවලියේ සඳහන් වන පරිදි ජීවිතය යනු තණ අග ඇති පිනි බිඳුවක්‌ වගේ යන උපමාව ඉතාම සත්‍ය භාවය මේ මුහුණු පුරා විහිදී යන්නේය. ළමා කාලේ ඉතා සංතෝෂයෙන් ජීවිතය ගෙවූ විදානපතිරණ පවුලට මේ සියල්ලම වෙනස්‌ වීමට ගත වූයේ නිමේෂයකි.
මේ ගැහැනු දරුවන් සිව් දෙනාටම ස්‌නායු දුර්වල වීමේ රෝගය හේතුවෙන් පාසල් ගිය මේ යෞවනියන්ගේ ජීවිතය අඳුරට එක්‌ කළේ මේ මහ පොළොව නුහුල්ලනා පරිදිය. මේ වන විට මේ දුක්‌ කන්ද පාමුල මාලිම්බඩ ජනතාවගේ ආදරණීය රැකවරණය හා සිංහල මනුස්‌සකම ඉදිරියේ ඔවුන්ගේ ජීවිත යම්තාක්‌ දුරට සුරක්‍ෂිතතාවට පත්වී ඇත. එහෙත් මොවුන්ගේ ජීවිතවලට ජීවය ලබා දෙමින් ඉදිරියට පවත්වා ගෙන යැම ඉතා කටුක වූ කටයුත්තකි. මේ සඳහා කරුණා සිතින් මේ ජීවිතවලට යාවත්කාලීන රැකවරණයක්‌ අවැසි මොහොතකි. මේ සිව් දෙනාට අමතරව සුජීවා ප්‍රියදර්ශනී නමැති ආදරණීය හිනාවෙන් පිරුණු ඇයද මෙහි ජීවත් වෙයි. ඇයටද නියමාකාරවූ සිහිබුද්ධියක්‌ නොමැතිව කල් ගෙවයි.
මේ නිවස පුරා ඔවුන්ගේ ආත්ම කතාව සොයාගෙන යන විට මේ රෝගයට ගොදුරු වීමට පෙර කාන්තිලතා පතිරණගේ ජීවිත කතාව මට හසුවිය. ඇය සාමාන්‍ය පෙළ සමත් වූ අතර පාලටුව ගුණරතන මහ විදුහලේ ඉගෙනුම ලැබුවාය. ඇයට වයස අවුරුදු දහයේදී පමණ තමයි වම් පැත්ත කොරවුණේ. පසුව මගේ නංගි ධම්මිකා 3 වැනි ශේ්‍රණියේදී ගොළු වුණා. පසුව නංගිගෙත් වම් පැත්ත කොරවීමට පත්වුණා.
මේ කතාව ඉදිරියට ගලා යන විට කාන්තිලතා හොඳ කවිකාරියක්‌ බව මට වැටහුණා. ඇය පියාණන් ගැන මෙසේ ලියුවාය.
පියාණෙනි
පියාණෙනි, ඔබමා දුටු දෙවියාය.
එහෙත් ඒ දෙවියාගේ දෙපා වැඳුමට
ඔබේම ලේ මසින් හැදුණු දුවට
අත් පා සවි නැත
ගුණ ගී ගයන්නට දිවි සවි නැත
ඔබේ ගොළු වූ කොර වූ දියණිය දෙස
බලා කඳුළු නොහෙළනු මැනවි
මේ ආකාරයෙන් ඇගේ කවි පුරා නැගෙන්නේ ඉතාම සංවේදී හැඟීම් ජාලයකි. මේ හැඟීම් ප්‍රකෘති මිනිසුන් වන අපට දැනෙන විට මට දැනෙන්නේ අපිත් සැබැවින් ජීවත්වන බවයි.
මිනිසුන් විධියට අප අන් අයට උදව් කළ යුත්තේ වැටුණු විටය. එහිදී දැත දිගු කොට සහෝදරත්වයෙන් ඔවුන් රැක බලා ගන්නට ඔබේ මනුස්‌සකම ශක්‌තිමත් ද, මාලිම්බඩ ලංකා බැංකු ශාඛාවේ ගිණුම් අංක 72830238 වෙත ඔබේ සාධාරණ මුදල් බැර කරන්න. මෙය මේ පවුලේ රෝද පුටුවෙන් යන ශ්‍රියාලතාගේ ජීවිතය හෝ නැගිට්‌ටවන්නටය. ඇය අවදි වීමට නම් ශල්‍යකර්මයක්‌ කිරීම සඳහා රුපියල් 418,000 අවශ්‍යව ඇත. ඇයගේ ජීවිතයට මිනිසුන් ලෙස ප්‍රාණය ලබාදීම යනු පිනට එහා ගිය හෘද සාක්‍ෂියෙන් ශක්‌තිමත් වූ සැබෑ වූ මිනිසකු විය හැකිය.
විශේෂ ස්‌තූතිය: තිහගොඩ ප්‍රාදේශීය සභාවේ උප සභාපති සුසිල් කරුණාරත්න මහතාට.
0 comments:
Post a Comment